Ngatidetembanei Mutsumo: Nhetembo Dzetsumo Nedudziro (Shona Edition)

Ngatidetembei muTsumo ibhuku renhetembo dzakaumbwa kuburikidza nekubatanidzwa kwetsumo dzakasiyana siyana. Vakuru vedu vakare vaive neuchenjeri hwekutaura nezveupenyu zvinosanganisira mhuri, rudzi, rufu, kubereka, kugarisana kwakanaka nezvimwe zvakadaro. Nazvino uno uchenjeri hwekutaura uku inhaka yedu. Kureva iko kuti chose cheupenyu magariro nemararamiro edu chinoperekedzwa nemazwi kana zvirevo zvine hungwaru hwakadzama. Tsumo inhaka yemutauro watakasiirwa hwatakachengetedza uye hwatiri kuramba tichichengetedza kubudikidza mukutaura, muzvinyorwa nemudzidzo. Tsumo kutaura kwevakuru kana kuti chirevo chakataurwa kare kare nevakuru senzira yekudzidzisa kuyambira kana kusimbisana nezveupenyu. Ngatidetembei muTsumo ibhuku ranhasi rakanyorwa neunyanzvi hwekuchengera nekuchengetedza mutauro wetsumo. Bhuku rino, idura kana kuti pfimbi yetsumo dzakanyorwa asi dzichipakurwa senhetembo. Achishandisa zvidopi zvekudetemba, munyori anobuditsa zvakare idzo tsumo dzakare nedzemazuvano achidzivhenganisa. Izvi zvinoratidza kuti mutauro wedu unoita uchikura nekutishandukei pamusaka pekushanduka kuri kuita upenyu asi uchiramba hwakazembera padzinde retsika nemagariro edu echiShona. Kurasika kwemutauro ndiko kurasika kwegwara retsika nemagariro. Ngatidetembei muTsumo ibhuku rinopa ruzivo rwezvemutauro wedu wakapfuma kuvakuru nevadiki nenzira inodzidzisa kuzipa uye inopa chidokwadokwa chekuchengetedza rurimi rwaamai.

• | Author: Michael M. Chipangura|MR Michael M Chipangura Snr
• | Publisher: Createspace Independent Publishing Platform
• | Publication Date: Apr 18, 2016
• | Number of Pages: 42 pages
• | Language: Shona
• | Binding: Paperback
• | ISBN-10: 1523805919
• | ISBN-13: 9781523805914